ការ​ដែល​បង​ប្អូន​នៅ រួម​រស់​ជា​មួយ​គ្នា គឺ​ជា​ការ​ល្អ​ប្រពៃ និង​សប្បាយ​ក្រៃលែង។

[ទំនុកតម្កើង១៣៣៖១]

«កម្មវិធីអប់រំកុមារមត្តេយ្យគ្រិស្ទសាសនាកម្ពុជា» គឺជាសមិទ្ធិផលរួមរបស់ក្រុមបេសកជន។ ក្រុមបេសកជនដែលមានទស្សនៈយល់ឃើញថា ដើម្បីអាចបញ្រ្ជាបដំណឹងល្អចូលក្នុងប្រទេសកម្ពុជាបាន លុះត្រាបញ្ចូលដំណឹងល្អដល់ពួកគេតាំងពីនៅកុមារភាពនោះ បានព្រមព្រៀងសហការគ្នា។ ក្នុងចំណោមពួកគាត់មានអ្នកឯកទេសខាងអប់រំកុមារ ព្រមទាំងមានបទពិសោធន៍យូឆ្នាំក្នុងការបើកដំណើរការសាលាមត្តេយ្យ បានសហការគ្នា រួមចិត្តគំនិតគ្នាអធិដ្ឋាន ទើបអាចកកើត«កម្មវិធីអប់រំកុមារមត្តេយ្យគ្រិស្ដសាសាននៅកម្ពុជា» នេះឡើងបាន។

ពួក​យើងផ្ចង់ទៅរកការអប់រំតាមទស្សនៈវិស័យគ្រីស្ទាន ហើយបានបង្កើតកម្មវិធីអប់រំមួយដែលមិនញែកព្រះបន្ទូលចេញពីការអប់រំ។ យើងបានបង្កើតកម្មវិធីអប់រំដោយបែងចែកតាមប្រធានបទ ហើយក៏បានយកទៅអនុវត្តនៅតាមសាលាមត្តេយ្យរួចហើយផងដែរ។ ឯកសារផ្សេងៗដែលមានស្រាប់ យើងយកមកចងក្រង និងកែសម្រួលឡើងវិញ បង្កើតជាកម្មវិធីអប់រំ។ យើងបានយកកម្មវិធីអប់រំដែលបានចងក្រងទាំងនោះទៅអនុវត្តបង្រៀននៅសាលាមត្តេយ្យ ព្រមទាំងកែសម្រួលម្ដងហើយម្ដងទៀតដើម្បីបោះពុម្ពចេញជាសៀវភៅ សៀវភៅនោះហៅថា «កម្មវីធីអប់រំកុមារមត្តេយ្យគ្រិស្ដសាសនានៅកម្ពុជា»។

យើងសង្ឃឹមថាតាមរយៈកម្មវិធីអប់រំនេះ កុមារទាំងឡាយនៅតាមសាលាមត្តេយ្យនីមួយៗទូទាំងប្រទេសកម្ពុជា នឹងអាចរៀនយ៉ាងសប្បាយរីករាយ ព្រមទាំងស្គាល់ព្រះជាម្ចាស់ផងដែរ។ ប្រទេសកម្ពុជាយើងជាប្រទេសដោយយកពុធ្ធសាសនាជាសាសនារដ្ឋ ដូចនេះហើយមនុស្សចាស់មិនផ្លាស់ប្ដូជំនឿដោយងាយៗនេះទេ។ បេសកជនបានចំណាយពេលផ្សព្វផ្សាយដំណឹងល្អយូមកហើយ ប៉ុន្ដែមិនសូវបានផងប៉ុន្មានទេ។ ហេតុនេះហើយបានជាបេសកជនជាច្រើនបានងាកមកផ្សព្វផ្សាយដំណឹងល្អដល់កុមារវិញ ដើម្បីឱ្យពួកគេស្គាល់ព្រះជាម្ចាស់បានត្រឹមត្រូវ។ យើងខ្ញុំ«កម្មវិធីអប់រំកុមារមត្តេយ្យគ្រិស្តសាសនានៅកម្ពុជា» ក៏ចង់រួមចំណែកនៅក្នុងព័ន្ធកិច្ចនេះផងដែរ។

ការដែលអាចសហការគ្នាជាមួយក្រុមបេសកជនធ្វើកិច្ចការទាំងនេះបាន គឺដោយសារតែព្រះជាម្ចាស់ប្រទានដួងចិត្តឱ្យពួកយើង។ ដូច្នេះហើយ យើងខ្ញុំសូមសារភាពថា ព្រះជាម្ចាស់គឺជាអ្នកសព្វព្រះទ័យ ហើយព្រះអង្គមានផែនការ ព្រមទាំងសម្រេចកិច្ចការទាំងនេះ។ ថ្វីដ្បិតតែសៀវភៅនេះនៅក្មេងខ្ចីប្រៀបដូចក្មេងទើបរៀនដើរក៏ពិតមែន ប៉ុន្ដែយើងជឿជាក់ថាព្រះជាម្ចាស់នឹងធ្វើការអស្ចារ្យតាមរយៈសៀវភៅនេះជាពុំខាន។